Zapatuan, udaletxea zabalik, ehiza esparruaren enkantea dela-eta

Ubane Madera 2013ko ira. 26a, 17:58

Ez ohiko jarduna izango dute oraingo asteburuko zapatuan Leintz Gatzagako Udaletxean. Izan ere, zabaldu egingo dute udaletxeko bulego nagusia, ordutegi berezian eta zeregin berezi baterako: 09:00etatik 13:00etara, ehiza esparruaren enkantearekin lotutako informazioa eman eta proposamenak jasotzeko.

Aste osoan dihardute Leintz Gatzagako Udaletxean ehiza esparruaren erabilera adjudikatzeko deitu duten enkantea dela-eta, ehiztariak eta ehiza-zaleei arreta ematen. Halako joan-etorri handia dago, ezen erabaki dutela zapatuan ere udaletxea zabaldu egingo dutela, gai horrekin lotutako informazioa eman eta enkanterako proposamenak jasotzeko.

Izan ere, astelehenean, irailaren 30ean (14:00etan) bukatzen da enkanterako proposamenak aurkezteko epea. Eta enkantea bera deitzeko presazko prozedura erabili dutenez, ahalik eta erraztasun gehien eman gura diete enkantean parte hartzeko interesa duten guztiei. 

Gutun-azalen irekiera, urriaren 1ean

Behin eskaintza ekonomiko guztiak batuta, gutun-azalak jendaurrean zabalduko dituzte. Aurkeztutako dokumentazio guztia ondo badago, urriaren 1ean (martitzena), 16:30ean egingo dute hori.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak