Halakoetan ohi den moduan, gatzagarrek Eskoriatzako anbulatoriora jo beharko dute. Hori bai, aldez aurretik txanda eskatu beharko dute norberaren medikuarekin, honako telefono zenbakira deituta: 943 71 44 52.
Udal zerbitzuak
Udal zerbitzuei dagokienez, berriz, kasu horretan aldaketa bakarra izango da: ez da aparejadorerik izango.
Hortik aparte, Udalak ohiko ordutegiarekin funtzionatuko du, eta herritarrei urte guztiko arreta zerbitzu bera emango die: 09:00etatik 14:00ak arte. Besteak beste, jakinarazi dute, gainera oraindik organikoak batzeko kuboak badituztela bulegoan, eta norbaitek halakoren bat beharko balu, abuztuan ere joan ahal dela eskuratzera.
Gizarte laguntzailea, berdin
Bestalde, gizarte laguntzaileari dagokionez, hark ere urte osoan moduan jardungo du lanean: martitzenetan (gaur), 09:00etatik 14:00ak bitartean izango da Gatzagan. Gogoan izan, hori bai, gizarte laguntzailearekin izateko ere, aldez aurretik txanda eskatu beharra dagoela: 943 71 47 46.
Udal pilotalekua
Eta urte guztian moduan funtzionatuko duen beste zerbitzu publiko bat udal pilotalekuarena izango da. Bestela esanda, egunero egongo da zabalik, erabili gura duen edozeinendako, aparteko ekitaldi, pilota partidu edo antzekorik ez bada, behintzat.