Pozik amaituko dituzte, beraz, udalekuak. Eta pozik geratu dira, baita ere, udalekuon antolatzaileak, emaitzarekin. Izan ere, 13 neska-mutikok parte hartzeaz gainera (kopuru esanguratsua, Leintz Gatzagarako), udalekuon helburua bete egin dute: uztailean herriko gaztetxoei herrian bertan geratzeko moduko aisialdia eskaintzea, eta gaztetxoen bitartez, herria bera girotzea. Bestelako urte batzuekin alderatuta, "aldaketa nabarmena" egon dela kontatu dute Gurel elkartetik, udalekuak antolatu dituen elkartetik.
Errepikatzeko modukoa
Horrekin batera, Iñaki Gabilondo Gureleko kideak adierazi du datorren urtean "ahal izanez gero" errepikatu egingo zukeela esperientzia, "baina urtean batzar orokor bat egiten da urteko ekimenak eta beste zehazteko. Eta hor baloratu eta erabaki beharko da errepikatuko dugun edo ez", zegaztu du.