Hark emandako xehetasunen arabera, "denetarik pixka bat" izango dute udalekuotan. "Ume nagusienak 9 urte ditu, eta txikitxoenak, 3".
Pare bat talde
Horrela, bi talde sortzeko asmoa du Gurelek. "Txikitxoenekin talde bat sortuko dugu, eta gainontzekoekin beste bat. Beraz, bi begirale izango ditugu", dio Gabilondok. Hain justu ere, Beñat Agirreurreta, Gatzagako ludotekako orain arteko zaintzailea izango da begiraleotako bat. Bestea ere, seguru aski, herrikoa izango da.
Uztailaren 1etik
Udalekuak uztailaren 1ean hasiko dira, 19ra arte. "18 eta 19an txangoa egingo dugu", ekarri du gogora Gurel elkarteko kideak. Gainontzeko egunetan ahaleginduko dira ahalik eta denbora gehien aire libreko gauzak egiten ematen, "ea eguraldiak laguntzen duen", dio Gabilondok. Horren arabera, ludoteka izango dute, bestela, elkargune nagusi. Goiz eta arratsaldeko udalekua da Gurelek prestatu duena: 11:00etatik 13:00ak arte eta 17:00etatik 19:00ak arte.