Ehiza larria egin ahalko da Gatzagan

Ubane Madera 2013ko eka. 14a, 15:59

Osoko bilkura monografikoa egin zuen atzo, eguena, udalbatzarrak, udalerriko ehiza-barrutiaren gainekoa. Mahai gainean, bi puntu: ehiza barrutia Jaurlaritzaren lege berrira egokitu  dela jakinaraztea, eta udalerriko ehiza-barrutiaren kudeaketa lehiaketara ateratzeko proposamena, udalbatzarrak aho batez onartu zuena. Horrez gainera, udalerrian ehiza larria egiten hasteko bidea zabaldu gura dute.

Ehiza-barrutiaren legeztapenari dagokionez, Eugenio Otsoa alkateak jakinarazi zuen ehiza postuen distantziak, lekuak, babeslekuak… legeak dioenari egokituta daudela. Eta besteak beste, baserritarren azken protestak aintzat hartuta, aurrerantzean ehiza larria ere egin ahalko dela Gatzagako ehiza-barrutian. Hain justu, orkatzak eta basurdeak ehizatu ahalko dira, urteotan ugaritu egin direlako eta kalteak eragiten dituztelako. 

Lehiaketa, 51.300 eurotan

Ehiza-barrutiaren kudeaketa lehiaketara ateratzeko proposamenaren gainean, berriz, udalbatzarrak onartu zuen 51.300 eurotan (BEZa barne) finkatzea haren prezioa. Orain baldintzen plegua osatu eta deialdia egiteko prozesu burokratikoari hasiera emango diote.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak