Gatzagar gaztetxoendako udako aukera herrian bertan

Uztailaren 1etik 19ra bitartean udako ludoteka izango da Gatzagan. Gurel guraso elkartea arduratuko da horretaz. Helburu garbi batekin, gainera: Kanpora joan gabe, herriari bizia eman leloarekin bat egitea. Bestela esanda, herriko gaztetxoek uztailean herriari bizia ematea lortu gura du Gurelek udako ludotekaren bitartez.

Egutegia zehazteaz batera, udako ludotekarako izenematearekin lotutako xehetasunak ere lotuta dituzte dagoeneko: ekainaren 14a baino lehen eman beharra dago izena, ludotekan bertan edo Labidean.

Ekimen ugari

Eta horrekin batera, iragarri dituzte, baita ere, ludotekaren bueltan antolatuko dituzten ekimenetako batzuk: uztailaren 18 eta 19an gaua pasatzeko irteera antolatu dute. Kamiseta eguna, Uraren eguna, Narrats eguna eta Patin eguna ere iragarri dituzte. Eta beste ekimen gehiago antolatuko dituztela baita ere. Datozen asteotan jakinaraziko dituzte xehetasun gehiago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.