Maiatzari dagokion osoko bilkura bihar, eguena, egingo du Leintz Gatzagako udalbatzak. Eta iragarritako gai-zerrendaren arabera, besteak beste, bertako ehiza barrutiaren ehiza antolatzeko plan teknikoa, usoen ehiza aprobetxamendurako baldintza teknikoak eta "bandera dela eta administrazioarekiko auzien epaitegiko sententziari buruzko informazioa" landuko dituzte. 08:30ean hasiko da batzarra.
Iragarritakoez gainera, Labidea denda eta Gatz Museoa ere berbagai izango dituzte udal ordezkariek, bi kasuetan kudeaketa kontratua amaitu egiten delako.
Iazko eta aurtengo aurrekontuak
Horrekin batera, diru kontuak mahai gainean izango dituzte. Batetik, aurtengo aurrekontuarekin lotuta, kreditu aldaketa proposamena aztertuko dute. Eta bestetik, iazkoarekin lotuta, haren likidazioari buruzko informazioa partekatuko dute.
Eta gainontzean, bandera dela eta administrazioarekiko auzien epaitegiko sententziari buruzko informazioa emango dute, eta alkatetzaren komunikazioak eta emandako ebazpenak onartzea proposatuko dute.
Esandako moduan, 08:30ean hasiko dute batzarra. Ohikoa da, eta publikoa, beraz interesa duen edozeinek ateak zabalik izango ditu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
