Nagikeria ohean utzita 27 gatzagarrek egin zuten bat zapatu goizean Udalak egindako deialdiarekin.
Lau taldetan banatuta, eta beharrezkoak zituzten lan tresnak eskuan, 08:00etan abiatu ziren lanera. Taldeetako batek, Dorletako santutegi ondoan, lurrean azaldutako zuloak konpondu zituen eta baita harrizko horma bat garbitu eta zementu apur batekin txukundu ere; beste batek, Artzainen xenda deritzona txukundu eta garbitu zuen; hirugarrenak, Pagoeder inguruan hondatutako mahai eta aulkiak konpondu eta ingurunea eta iturria garbitu; eta laugarrenak, Gaztainuzketako karobia garbitu zuen. Udazkenean auzolanerako beste deialdi bat egingo dute.
Pagoederreko mahaiak konpontzen.