Aurtengo negu gorabeheratsuak utzitako zauriak oraindik agerian dira Leintz-Gatzagan. Bereziki Dorletarako bidean. Gatz Museora iritsi aurretik errepidea altxatuta dago, eta Gatz Museotik Dorletarako bideko lurjausiak erabat konpondu barik. Sikiera, hori bai, errepidea erabiltzeko moduan dago, bertako bizilagunek harri eta lur gehienak erretiratu ostean.
Bestalde, mendi zatia jausita dago, baita ere, Leintz Gatzagako errepide zaharrarenpeko zati batean.
Edozelan ere, egoeraren berri jakinarazi diete udal ordezkariek Gipuzkoako Diputaziokoei. Izan ere, Dorletarako errepidea Foru Aldundiaren ardura da.
Juan Luis Zabala Zerbitzuetako zinegotziak jakinarazitakoaren arabera, Diputazioko ordezkariak dagoeneko egon dira lekuan bertan, egoera ikuskatzen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.