"Bazkariaren menuan izango dira entsalada, nahaskia, eta entrekota", esan du Rosa Urretak, Sorginak elkarteko kideak. Hori guztia, gainera, "prezio onean" emango dute. "Berez, izen-ematea asteon ixten da, baina azken momentuan izena emateko aukera badago. Labidea dendan egin behar da hori", adierazi du Urretak. Eta hark azpimarratu du, ohi den moduan, "Gatzagako emakume guztiak" daudela gonbidatuta.
Aurtengo bidaia nora egin
Horrez gainera, Rosa Urretak jakinarazi du aurtengo bidaia nora egin ere komentatuko dutela. "Asmoa da bidaia berezia egitea, 25. urteurrenaren harira. Asteburu-pasak egin izan ditugu, baina elkartean emakumezko edadetuak daudela-eta, urteotan egun-pasak antolatu ditugu, batik bat. Oraingoan, urteurrena dela-eta, zerbait berezia egin gura dugu".