Herri bazkaria egingo dute iaz legez Inauteri-zapatuan, eta izen-emate epea dagoeneko zabaldu dute. Soran hotelean izango da bazkari hori, eta izena ere bertan eman beharra dago; azken eguna zapatua da, otsailak 2. Helduendako menuak 15 euro balio du eta umeendakoak, 10 euro.
Jai giroa, baina, bazkaldu baino lehen hasiko da. Goiz partean herriko kaleak eta bazterrak girotuko dituzte koadrilek, eta Gurel guraso elkarteko kideak ere ez dira geldi egongo: jolasak egingo dituzte mozorrotutako neska-mutikoekin.
Bazkalostea girotzeko musika izango dute Soranen bertan, eta arratsalde partean jai giroak jarraituko du: "Umore onean jarraituko dugu, eta arratsaldean ere beste jolas batzuk egingo ditugu neska-mutikoekin", jakinarazi dute Gurelekoek. Jaiak, gainera, "norberak gura duen arte jarraituko" duela diote, "afaria ere zabalik dago".