Antolatu duen aurreneko ekimenaren gaineko balorazio positiboa egin du Korrika batzordeak. Rosa Urreta batzordeko kideak ere, kultura etxeko giro ona azpimarratu gura izan du: "Kantu liburuak atera ditugu gainera, eta laguntzeko, bi musikari egon dira, trikitia jotzen Eskoriatzako Imanol eta biolinarekin, berriz, Gatzako Javi".
Gatzagako Korrika batzordetik gaineratu dutenez, otsailera begira beste ekimen bat prestatzen hasiak dira: "Beharbada umeak izango dira hurrengo txandan protagonista". Martxoaren 21ean Korrika Gatzagatik pasa aurretik, beraz, egongo da zer egin batzordearen eskutik.