Eguerdi partean elkartu eta herrian ibilalditxo bat egin ondoren, bazkaltzera joango dira erretiratuak, 25 bat lagun. Eusebio Villarrek gertatutako bazkari goxoa izango dute zain Garro jauregian. Bazkalostean kontu-kontari jardun eta karta jokoan egingo dute arratsaldea bukatu artean.
Nagusienei omenalditxoa
Bazkaltzen elkartutakoen artean nagusienak direnei aipamen berezia egingo diete, eta oparia jasoko dute Udalaren partetik. Gainerakoek ere izango dute oparitxoa, Kutxak emanda.
Herriko nagusiena urrian 102 urte egingo dituen Astaisolo baserriko Narciso Beitia da; eta emakumeen artean Matilde Arrese, 94 urte martxoan eginda. Bihar bazkaltzera joaterik baldin badute oparia jasoko dute biek azken urteotan legez.