Behin bukatutakoan inguru hartan bazkaltzeko asmoa dute, eta hala, egun pasa dotorea egin. Orain arte umeendako antolatu izan dituzte ekintza gehienak Gurelekoek, baina gazteekin ez daudela ahaztuta erakutsi dute.
Talo tailerra hilaren 21ean
Bestalde, hurrengo zapatuan, hilak 21, talo tailerra egingo dute neska-mutikoekin. Herriko hainbat lagunek irakatsiko diete txikiei zelan egin taloak, eta plantxak kalean jarrita jardungo dute lanean. Behin jatekoa gertatuta afari-merienda eginda bukatuko dute arratsaldea. Gureleko kideek jakinarazi dute aurrez izena ematea komeni dela zenbat osagai erosi jakiteko "batez ere zenbat kilo irin".
Uztaila bukatu baino lehen Dorleta ingurura gaua pasatzera joatea umeekin aztertzen dabiltza guraso elkartekoak. Hala erabakiz gero jakinaraziko dute.