Bada, Aquariusek hiritar edo "urbanita umezurtz" horiendako egiten dituen proposamenen artean dago Leintz Gatzaga, Elantxobe (Bizkaia) eta Urritzolarekin (Nafarroa) batera.
Bizilagun xarmangarriak
Aquariusek Gatzagaren inguruan dio gatzarekin lotura handia duen herria dela eta bertako bizilagunak salatuak eta xarmangarriak direla. Oraingoz, 400 eskaritik gora jaso dituzte eta Gatzagak 60 lagun inguru adoptatu ditu. Aquariusek berak erabakitzen dun egun-pasa edo arratsalde-pasa Gatzagara joan nahi duten hiritar umezurtz horietatik zein onartu.
Eta zer aurkituko dute hiritar horiek Gatzagan? Eskaintza bereziak bertako jatetxe, taberna edo bisita gidatuetan. Turismo Bulegoko Aitziber Gorosabelek adierazi du hasieran zalantzak izan zituzten arren, kanpainan parte hartzea erabaki zutela, herria promozionatzeko beste modu bat izan daitekeelako.
Udan, beraz, beste turismo mota bat ere etorriko da gurera: hiriko umezurtzak.
