Emakumeak 112 telefonora deitu zuen erasoaren berri emateko, atzo, goizaldeko ordu biak aldera; Leintz Gatzagako baso-bide batean zeudela adierazi zuen. Ertzaintzaren hainbat patruila bertaratu ziren tokira eta emakumearen autoa aurkitu zuten lehendabizi, ateak irekita eta motorra martxan zituela. Metro gutxi batzuetara zegoen bikotea. Ertzaintzatik jakinarazi dutenez, emakumea oso urduri zegoen eta agenteei adierazi zien bikotekideak giltza ingeles batekin kolpatu zuela besoetan, izan zuten eztabaida baten ondoren. Ertzaintzak ustezko erasotzailea atxilotu zuen, genero indarkeria delitua egotzita.