Mexikon egon da lanean Otsoa azken urteotan. Alkate kargua hartzeko etorri zen ekainean, baina gero hara itzuli zen berriro, eta Gonzalezek hartu zituen orduan alkatearen eginbeharrak. Gabon inguruan itzuli zen Otsoa Gatzagara, eta orain dagokion ardurak hartu ditu beregain. Debagoineko mankomunitatean ere bera izango da Gatzagako ordezkaria.
Martitzenetan, udaletxean
Otsoaren asmoa da martitzen goizetan udaletxean egotea, lanak aurreratzeko; baina ez da liberatuko. Herrian orain arte egindakoen berri jasotzen dabil udalbatzako kideengandik azken asteotan, aurrera begirako lanak zehazteko. Agintaldiko lehenengo osoko bilkura gidatu du, gainera, astean.