Udalak hartu du aldatzeko erabakia: "Egunero erabiltzen duten hainbatek eskatu zuten aldaketa eta ideia ona zela pentsatu genuen", jakinarazi du alkate ardura duen Mikel Gonzalezek. "Orain arte beti Gure Ametsan geratu da eta garbi geneukan hori ezin zela kendu. Bietan gelditzea eskatu genion Diputazioari, baina ezetza eman zigunez banatzea erabaki genuen Gure Ametsa eta Gatzagainen artean" argitu du.
Udal ordezkariek badakite halako erabakiekin zaila dela herritar guztiak gustura uztea "beti egoten delako ondo datorkiona eta galtzen irtengo dena", baina erabaki justua delakoan daude, orain arte beti leku berean geratu izan delako autobusa.