Eskatzaileek bi baldintza bete beharko dituzte: salgai egongo diren produktuen egilea izatea artisaua eta azoka egunean langintzaren erakustaldia egitea pilotalekuan.
Horiez gain eskaera orriarekin batera, beste hainbat agiri aurkeztu beharko dituzte izena ematerakoan, tartean artisauen erregistroan alta emanda dagoela egiaztatuko duen ziurtagiria, curriculuma eta produktuen eta postuaren argazkiak.
Tailerrak egiteko aukera
Artisau tailerra jartzeko aukera ere badago San Milixanetan, pilotaleku alboko lokalean. Ume, gazte eta helduei zuzendutako jarduerak egin beharko dituzte bertan, artisautzarekin zerikusia dutenak. Azokan parte hartzeko betebehar berberak izango dituzte horiek ere eta jardueraren deskribapena bidali beharko dute.
Eskaera orriak eta agiriak udaletxera bideratu behar dituzte artisauek, eta argibideak Udalaren webgunean daude: www.leintzgatzaga.com.