Lehenik eta behin, aurkezpena egin dute, kanpoko ume asko daude-eta, eta jarraian, multzotan banatu da taldea. Kanpotik etorritako gurasoek herria ezagutzeko bisita gidatua dute bitartean, gainerakoak gatz museorantz abiatu dira; nagusienek museoa eta Dorleta bisitatu dute; santutegian, indarrak berreskuratzeko aukera izan dute.
Etxeko txikitxoenek bitartean, Udalak gordetako altxorra topatzeari ekin diote; parte-hartzaile azkarrak egon dira eta bidean jarritako pistei esker, samur topatu dute altxorra herrira itzultzean. Ordurako buruhandiak eta askotariko jolasak zituzten zain neska-mutikoek.
Jarraian, bazkaria izan dute 80 lagunetik gora. Arratsaldean, ostera, karaokea eta antzerkia dute aurreikusita.