Bazkariak eta afariak emango dituzte aste egun zein aste bukaeratan: plater konbinatuak, ogitartekoak, mokadutxoak, menu bereziak… Aznalek badaki garai zailak direla alderdi ekonomikoari dagokionez baina "lanean sinisten" du eta "aparteko laguna" hartu duela alboan horretarako dio, ama.
Azken asteotan bazterrak garbitzen eta txukuntzen jardun dute, izan ere, jatetxea bi hilabete egon da itxita. Udalari, ostera, konponketa batzuk egiteko eskatu zioten: "Bidea eta farolak konpontzeko esan genion, kobrea lapurtu zutelako Gabon inguruan, eta ez zegoelako argirik". Horiek konponduta zabaltzeko gertu dute guztia Aznalek eta amak.
Soran 8. jardunaldietan
Bestalde, Soran Etxea hoteleko jatetxea Debagoieneko 8. gastronomia jardunaldien barruan dago, aurrekoetan moduan. Menu bereziak antolatu dituzte prezio txukunean, eta uztailaren 31 bitartean emango dituzte.