Korporazio berriko zinegotzi denak egon dira ekitaldian eta, eurekin batera, lehengo dezente eta bi alkate ohi: kargua utzi berri duen Eusebio Villar eta Joserra Agirreurreta. Ordezkari politikoek ez ezik, hainbat herritarrek ere zuzenean jarraitu nahi izan dute gaurko saioa eta, beraz, osoko bilkuren aretoa nahiko beteta egon da. 13:00etan puntuan hasi da eta bizkor joan da. Alkate berriak bertsoa bota du:
“Askok mundu honetan ezautzen ez duna / eta milaka urtetan hemen egon dena / euskara mintzatuaz gordez iraupena / Euskal Herri izenaz bizirik dauena / Leitz Gatzaga dugu herri honen parte / ta hemen bildu garenak ez gaude aparte / presoek ere bertan guki nahi gentuzke / independentziaruntz goaz lortu arte”.
Behin ekitaldia bukatuta, udalbatza zahar eta berria bazkaltzera joan dira elkarrekin, Gure Ametsara.
Otsailera arte Mexikon
Lan kontuengatik Mexikon egongo da Eugenio Otsoa otsailera arte eta, bien bitartean, Mikel Gonzalez zinegotziak hartuko ditu bere gain haren udal-betekizunak.