Eraikuntza enpresa batekin adostuta eraikiko dituzte sei etxebizitzok. Horietako hiru libreak izango dira: duplexak bi, ia 120 metro koadrokoak; eta hirugarrena, 90 metro koadroko etxea.
Beste hirurak Udalak gestionatuko ditu eta tasatutako prezioa izango dute –150.000 eurotik 247.000 eurora bitartean–: bat duplexa, 103 metro koadrokoa; eta beste biak 70 metro koadroko etxeak. Hala ere, jakinarazi dute Gatzagako Udalak ez duela tasatutako etxeen araudirik eta prezioa mugatuko duela bakarrik, gainerako balditzarik izan gabe.
Sei etxeek, gainera, 10 metro koadro inguruko trastelekua izango dute erdi-sotoan.
Argibideak udaletxean
Etxeotan interesatuta dauden debagoiendarrek Gatzagako udaletxera deitu beharko dute –943 71 47 46– eta argibide gehiago jasoko dituzte.