Orain arte legez lau urterako esleituko ditu etxeok Udalak, 20 urte arte luzatzeko aukerarekin bi aldeak bat etorriz gero. Ezarritako diru kopurua, ostera, aldatu egin du Udalak. Hala, hasieran, etxeen ardura hartzerakoan, ordaindu beharko duten kopurua 67.000 euro da –lehen 67.550 euro–, eta 2012ko maiatzaren 1etik aurrera hilero ordaindu beharko dutena 300 euro –lehen 1.550 euro–. Kopuru hori hobetu beharko dute eskaintza egiten dutenek. Udal ordezkariek uste dute baldintza berri horiekin agertuko direla interesatuak.
Argibide gehiago gura dituenak udaletxeko harrerara jo dezala –edo webgunera: www.leintzgatzaga.com–; baita eskaintzak aurkezteko ere.