Landagipuzkoa egitasmoari esker eraberritu zuten pilotalekua iazko udazkenean eta orain ur depositua egiten hasiko dira Gatzagainen. Etorlur dabil lanok bideratzen eta zapatuko ekitaldietan hiru erakundeetako ordezkariak izango dira: Landa Ingurunearen Garapeneko diputatu Rafa Uribarren, Eusebio Villar alkatea eta Etorlurreko ordezkariak.
Hona egitaraua:
- 11:45ean, udaletxean elkartu erakundeetako ordezkariak.
- 12:00etan, Gatzagainen uren proiektuaren lanei hasiera ematea.
- 12:30ean, eraberritutako pilotalekuaren inauguratze ekitaldia; diskurtsoak eta zinta moztea.
- 13:00etan, mokadutxoa kultur etxean.