2010eko kontuak, balantzea eta memoria aurkeztuta hasiko dute batzarra. Iaz egindako ekitaldiak aztertu eta baloratuko dituzte orduan.Gero 2011rako lan banaketa egingo dute, aurrekontua aurkeztu, eta baita urtean egin daitezkeen ekitaldien zirriborroa zehaztu ere.
Gainera, zuzendaritza batzordea osatzen duten lau kidetik bik utzi egingo dute hala dagokielako, Dorleta Elkorobarrutiak eta Bea Alvarezek hain zuen. Horien ordez beste bi kide hautatuko dituzte batzordean geratuko diren Angel eta Alberto Oñaterekin batera lan egiteko datozen bi urteotan.
Gatzagako 20 familia baino gehiago dira Gureleko bazkide eta horiei guztiei egin diete deia eguazteneko batzarrean parte hartzeko.