Gatzarekin zerikusia duten ekitaldi asko egingo dituzte domekan, gatz museoan

Gesaltza Añanako ordezkariak (Araba) etorriko dira, gatz larrainen berri eman eta salgai daukaten gatza eskaintzera. San Milixan feria dela aprobetxatuta hainbat ekitaldi egingo dituzte Eugenio Otsoa gatz museoan goiz partean (10:00-14:30)

Sua piztuko dute, San Milixan egunean urtero egiten duten moduan, eta bisitariak pilatzen direnean sasoi baten gatza zelan egiten zuten Gatzagan azalduko dute.

Bien bitartean, umeek gatzarekin esperimentuak egiteko tartea izango dute eta helduek gatzartua ezagutzeko aukera: ardi eta behiaren gatzartua; bakailaoa eta sardina gaziak... Horren gaineko erakusketa eskainiko dute.

Horrez gain, irak egongo dira pilatuta museo inguruan eta idiak gurdiarekin joango dira irak San Migel plazara eroateko, meta egin dezaten bertan.

Gesaltzakoak museoan

Domekan, gainera, aparteko bisitariak izango dituzte museoan: Gesaltza Añanako gatzagetako ordezkariak. Gatzagarrak dagoeneko izan dira Araban eta orain bisita itzuliko diete. Gatz larrainen gaineko argibideak eman eta gatza jarriko dute salgai.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.