Narciso Beitiak 100 urte bete ditu

Gaur, urriak 29, bete ditu 100 urte Astaisolo baserriko Narciso Beitia Elkorobarrutiak. Udalak zorionak emateko omenalditxoa egingo dio bihar, zapatua (13:30), udaletxean. Gero, urtebetetze bazkaria egingo du Narcisok etxekoekin.

1910eko urriaren 29an jaio zen Astaisolon eta zazpi anai-arreben artean gazteena zen. Iratiko basoetan ibili zen lanean sasoi baten, errekan egurra garraiatzen; Eskoriatzako Forjas Vascasen ere bai. Espainiako gerra hasi zenean lau hilabetez egon zen kartzelan eta borrokan egitera bidali zuten gero. 

Nagusiena

Herriko nagusiena da azken urteotan, eta gutxi ikusi eta entzun arren, osasun ona du, ez baitu inolako botikarik hartzen. Oraingo kontu batzuk ahaztu arren, lehengoak ondo gogoan dituela diote etxekoek

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.