Emakumeendako dira saioak, batez ere erditu ondoren edo menopausia sasoian daudenendako, histerektomia izan edo pixa galtzen dutenendako eta orokorrean gorputzaren funtzionamendua ezagutu gura dutenendako. Helburu nagusia zoru pelbiko edo perineoaren funtzioa ezagutzea da, arazoak prebenitzen hasi eta tratamenduaren berri ematea.
"Emakumeen bizitza kalitatea hobetzeko oso garrantzitsua" dela perineoaren funtzioa ezagutzea diote Amazuloko fisioterapeutek; hala, argibide teorikoak emango dituzte lehenengo eta praktikak egin gero. Azken saioan zoru pelbikoaren balorazioa egiteko aukera eskainiko dute.