Neska-mutiko asko elkartu dira aurten udalekuetan, 30en bat, eta gustura baino gusturago dabiltza Aretxabaletako hiru begirale lagun dituztela. Lehenengo astea aurrera doa, baina oraindik ekintza eta irteera asko dituzte egiteko hurrengo astean.
Zapatuan, hilak 12, gurasoekin batera egingo dute egun pasa. Egino inguruan (Araba) ibili ostean, Bikuñan dagoen zalditegira joango dira. 46 bat lagun elkartuko dira bertan. Astelehenean, ostera, Ariznabarrako rokodromora (Gasteiz) joateko asmoa dute. Nagusienek eskalatzen pasatuko dute arratsaldea eta txikienek jolas parkean. Eta hilaren 15etik 16ra bitarteko gaua Gaztainuzketako mendi etxeetan pasatuko dute ohitura duten legez.
