Antolatuko dituzten ikastaro horiek herritar guztiendako izango dira –ez bakarrik emakumeendako– eta zerrenda Labidea dendan daukate. Orain herritarrak bertatik pasatu eta interesatzen zaizkienak aukeratzea gura dute sorginek. Hala, antolatuko dituzten ikastaro horietan nahikoa lagunek parte hartuko dutela ziurtatuta izango dute. Sei ikastarok osatzen dute zerrenda eta norberari interesatzen zaionaren alboan izena eman behar du. Hona seiak:
- Memoria lantzeko eta garatzeko tailerra
- Zelan ikasi erakusten duten ikastaroa
- Estresa zelan saihestu eta zelan gainditu tailerra
- Aromaterapia zer den eta zertarako erabil daitekeen ikastaroa
- Kontserbak, mermeladak eta likoreak zelan egin ikastaroa
- Menu osasuntsuak –umeendako, edadetuendako…– egiten irakasten duten ikastaroa.
Zerrenda horretan izena emateko azken eguna domeka da, hilak 22.