Esleipen horren oinarriak idazten dabiltza orain adituak eta hilabeteko epean oinarriak onartu, lanen deialdia egin eta esleituta egongo direla uste du Villarrek. Landagipuzkoa egitasmoaren bitartez aurrera eroango den proiektua denez, Etorlur enpresa dabil kontua bideratzen. "Lanak ere aurten hasiko dituzte eta sei bat hilabete iraungo dute. Kontuan hartuta negua dagoela tartean eta atzerapenen bat eragin dezakeela eguraldiak, maiatz ingururako egongo dela bukatuta depositua uste dugu", dio.
Saneamendu hodiak
Arlabango plan berezia egin ahal izateko ur depositua behar-beharrezkoa da. Izan ere, Arlaban inguruan ur arazoak izaten dituzte, batez ere uda sasoian. Herri txikiei laguntzea helburu duen Landagipuzkoa egitasmora eskaera egin zuen Udalak eta onartu egin diote proiektua. Behin depositua egindakoan, herriko ur depositutik eroango dute ura bertara. Lanok saneamendu hodiak jartzeko aprobetxatuko dituzte.
Proiektuak 618.000 euroko kostua dauka eta Aldundiak 450.000 eurorekin lagunduko du finantzaketa.