Jolasak eta herri afaria
Gurel guraso elkarteak antolatutako jolasak egingo dituzte umeek eta 12 urte arteko gaztetxoek pilotalekuan (16:30). Jinkana erako jolasak izango dira, hau da, probak gainditu beharra, eta proba bakoitzeko txartelak emango dizkiete taldeei. Txartel guztiekin zozketa egingo dute gero eta sariak banatu. Eta jolasak bukatu eta ilunkarako hotza uxatzeko txokolate beroa izango dute.
Ilunkararekin batera helduak ere mozorrotuta agertuko dira eta afarirako gertatuta (21:30). Urtero legez Garro jauregian izango da herri afaria. Hona menua heldu zein umeendako: urdaiazpikoa eta beste hainbat jaki, oilaskoa entsaladarekin eta ijito besoa izozkiarekin.
Afalostea, ostera, Kuluxka taldeak girotuko die eta goizaldera arte dantzan jarduteko aukera izango dute. Ainara Zubillaga kultura zinegotziak iaz beste herritar elkartzea gurako luke afarian eta umore ona nagusi izan dadila Inauterietarako antolatutako ekitaldietan.