Udalak mendi etxeen kudeaketa lehiaketara atera du

Gaztainuzketako mendi etxeak kudeatzeko lehiaketa deia argitaratu du Udalak, eta hilaren 15a bitartean aurkez ditzakete eskaerak interesatuek. Lau urterako izango da esleipena, baina 20 urtera arte luza dezake Udalak lau urtero kontratua berrikusi eta gero. Lehiaketa deialdia abuztuaren 6ko Gipuzkoako Aldizkari Ofizialean argitaratu zuten, eta baldintzen eta eskaerak baloratzeko irizpidearen berri ematen du. Argibide gehiago gura izanez gero udaletxera deitu behar da.

Hotela, hilaren 11n zabalik

Gatzagan bizi diren Montse Valerio eta Loren Larrañaga senar-emazteek kudeatu dituzte azken 12 urteotan Gaztainuzketako mendi etxeak. Orain, baina, hotela egin dute herrian: Soran Etxea. Hain zuzen eguenean, hilak 11, inauguratuko dute. 500 urte inguru dituen jauregia berritu eta bi izan dituen hotela bihurtu dute. Hamar logela ditu, horietako bat ezinduendako gertatua, 60 lagunendako jangela, 12 lagunendako jangela pribatua eta taberna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.