Eusebio Villar alkateak erabaki haren arrazoia azaldu zuen: "Ortu gehienak herri inguruan dituzte gatzagarrek, eta txabola ere bertan behar dute lanabes eta gainerakoak gordetzeko. Baimenik eman ezean modu txarrean egiten dituzte, hortaz, baimena eman eta behar bezalakoak egitea hobe izango dela pentsatu dugu".
Aldatutako ordenantzan zehaztu dute, gainera, noizbait lanen bat egiteko –hodiak sartu, kaleak txukundu…– txabola bota beharko balute Udalaren aginduz kalte ordainik eskatzeko aukerarik ez dutela izango ugazabek.
Ordenantzari egindako aldaketak ikusgai daude udaletxean azaroaren 16a ezkero. Eta herritarren batek alegazioren bat jarri gura izanez gero abenduaren erdira arte izango du epea. Halakorik ez bada gertatzen behin betiko onartuta geratuko da ordenantza berria.