Apirileko azken astean hasi zituzten lanok eta zortzi astetan bukatuta egongo zirela uste arren, atzeratu egin ziren. Teilatuari egitura berria egin diote eta horretarako behar zuten egurraren zain egon ziren hainbat astetan Eskoriatzako Razkin eraikuntza enpresako langileak. Behin egurra iritsita lanok laster bukatu zituzten, opor inguruan.
Bigarren fasea ezin
Espainiako gobernuaren Estatu Fondoko dirulaguntzari esker egin dituzte lanok egoera eskasean zegoen ermitan. Dirulaguntza, baina, 44.000 eurokoa izan da, teilatua berritzeko adina. Ermita guztiz berritzeko bigarren fase bat egin beharko du Udalak. Eta hori egindakoan Santa Kolunba gatz museoaren harrera izatea da asmoa. Hala ere, horrek itxaron egin beharko du, Udalak zaila ikusten duelako agintaldi honetan dirua lortzea asmo horrekin aurrera egiteko.