Artisauendako Baldintzak
Udalak hainbat baldintza jarri ditu artisauendako: erakusgai edo salgai egongo diren produktuen egilea izatea derrigorrez artisaua eta azoka egunean langintzaren erakustaldia egitea. Hala, artisauak landu ez duen produkturik ez dute onartuko. Eskaera fitxa beteta bideratu behar dute udaletxera interesatuek eta ondorengo dokumentuak sartu: artisauen erregistroan izena emanda dagoela egiaztatzen duen ziurtagiria; zergadunaren jarduera ekonomikoaren ziurtagiria; eta autonomoetako azken bi erreziboen kopia. Gainera, erakusgai egongo diren produktuen bi argazki eta aurrez muntatutako standaren argazki bat bidali beharko dituzte curriculumarekin batera.
San Milixan eguneko feria azaroaren 15ean, domeka, izango da (10:00-14:30), pilotalekuan. Artisau erakusketa egiteko aukera ere badago egun horretan. Garro jauregian egingo dituzte erakusketak. Eta artisau tailerrak antolatu gura dituztenek pilotaleku alboan izango dute txokoa.