Herriko 14 pilotarik jardungo du norgehiagokan Amurrioko mutikoen aurka. "Txapelketa aspaldi geneukan hitzartuta, baina kamisetak eta kirol-jertseak geneuzkan eskatuta mutikoendako, eta horien zain geunden", esan zigun Jose Inazio Beloki entrenatzaileak.
Txapelketa, 17:30ean, hasiko dute Udalak emandako kamisetak, eta Labidea dendari eta Sormen enpresari esker lortutako kirol-jertseak banatuta herriko pilotari gazteei. 18:00etatik aurrera, partiduak egongo dira. Eta horretarako gogor entrenatu dute aurreko asteetan; egueztenetan elkartzen dira hain zuzen Belokiren gidaritzapean.
Txapelketaren lehenengo jardunaldia Gatzagan egingo dute, eta aurrerago Amurriora joango dira jokatzera.