Zortzi mutilek osatu dute taldetxoa eta pilotan jokatzen hasi dira berriro herrian. 12 eta 16 urte artean dituzte eta martitzen eta egunetan entrenatzen dute (20:15-22:00) Mauri Zubillaga entrenatzailearekin: "Arrasateko entrenamenduak bukatutakoan etortzen naiz eta ez daukat asti handirik, baina gatzagarrek eskatuz gero ezin esan ezetz", dio.
Azken urteotan Jose Inazio Belokik egin ditu entrenatzaile lanak, baina iaz ezin izan zuen eta ez zen talderik sortu.
Teknika erakutsiko die Zubillagak eta pilotan egingo dute gero. Oraingoz ez dute helbururik, txapelketetara joateko "goiztxo" delako entrenatzailearen esanetan.