Abereak mendian ibiltzea arautzen duen ordenantzaren aldaketei alegazioak aurkezteko azken eguna ekainaren 5a da, eguena. Hilabete izan dute ikusgai udaletxean, eta orain artean alegazio bakarra aurkeztu diote. Herritarrei zabalik egon den epea bukatutakoan aurkeztutako alegazioak aztertuko ditu udalbatzak. Atzera botatzen baditu alegazio guztiak, beste barik onartutzat emango dute aldaketak izan dituen ordenantza. Baina aurkeztutako alegazioren bat ontzat hartzea erabakiz gero, osoko bilkuran aurkeztu beharko dute aldaketa, eta bertan onartu.
Apirilaren 10ean egindako osoko bilkuran proposatu zuen Udalak ordenantzari hainbat aldaketa egitea. Herriko abeltzain eta nekazariekin adostutakoak dira guztiak. Aldaketarik handienak bizitokiarekin dauka zerikusia, hau da, Gatzagan erroldatuta daudenek eta bertan bizi direnek izango dute lehentasuna abereak mendira eroateko baimenak lortzeko orduan. Gainera, baimen eskaerak egiteko epea atzeratu egin gura dute azaroaren 30a arte. Udaletxean aurkeztu behar dituzte interesatuek, eta Udalak Aldundiari bideratuko dizkio.
Maiatzaren 1az gero eroan ditzakete abereak mendira baimena duten jabeek. Behiek azaroaren 30a arte egon ahal izango dute, eta behorrek, ardiek eta ahuntzek otsailaren 29a arte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak