Gurelek abenduaren 3an egindako batzarrean erabaki zuten Olentzero eta zuhaitza jartzea. Ez zen batzarreko gai bakarra izan, aurretik zuzendaritza batzordearen berritzearen gainean jardun zuten. Esan behar, bost lagun bakarrik agertu zirela, baina gaiekin aurrera egitea erabaki zutela. Gurutze Orbegozo presidenteak eta Ana Milan diruzainak batzordea utzi zuten, eta horien ordez beste bi guraso hautatu zituzten: Aitziber Gorosabel eta Nerea Maruri. Eurekin batera jarraituko dute lanean, batzordean, Eguzkiñe Alberdik eta Ainara Zubillagak. Karguak aurrerago banatzeko utzi zituzten.