Herriko ehiztariek 18 postu dituzte Gure Ametsa jatetxetik gora eta txandakatu egiten dira postu horietan. Gipuzkoako ehiza federazioak, ostera, 70 bat postu ditu eginak eta horietan egoteko zozketa egiten dute egubakoitz guztietan Aretxabaletako Aretz tabernan.
Iazko denboraldia oso txarra izan zen eta aurtengoak emango duenaren zain daude ehiztariak. Lehen egunotan eguraldiak ez du gehiegi lagundu eta lau bat uso banda bakarrik pasatu direla jakinarazi dute. Birigarroak ere ibili dira, baina oso altu datozela diote: "Datorren asterako iragarri dute eguraldi epelagoa eta horren zain gaude", diosku herriko ehiztari batek.
Ehiza postuen garbiketa
Aldundiak, bere aldetik, aurkeztu ditu ehiza denboraldian bete beharreko arauak, eta ehiza postuak garbitzearen gaineko kontzientziatze kanpaina egingo duela iragarri. Bestalde, oilagorraren ehizaren gaineko informazioa jasotzeko sistema jarriko du abian aurten, ehiza federazioarekin batera.