Joan zen egubakoitzean hasita Gatzagain ingurua garbitzen dabiltza; ganadua ez pasatzeko pasabidea txukundu dute eta hormigoia bota 10-15 metrotan –behiek ez dezaten alde egin bertatik–. Gaztainuzketara doan ur hodian ere konponketak egingo dituzte sarri trabatu egiten delako.
Burdinkurtzeko sarrera
Bestalde, datorren martitzenean, apirilak 14, hainbat baserritara doazen bide sarrerak zabaltzen hasiko da Aldundiko Errepide Saila. Aurrez iragarrita zeukaten Arrateko bidearekin hasiko zituztela lanok, luzeenak izango direlako, baina astelehenean egindako bisitan konturatu ziren lurrean egindako seinaleak ezabatuta daudela. Hala, Burdinkurtzeko bide sarrera zabaltzen hasiko dira martitzenean eta bukatutakoan egingo dituzte Arrateko lanak. Bukatzeko Gatzagain ingurua konponduko dute. Lanok bi hilabetetan egingo dituztela esan dute Errepide Saileko arduradunek. Izan ere, behin autobidea zabalik, zirkulazio gutxiago egongo dela uste dute eta lanak samurrago egingo dituztela.
Hiru horiekin batera Olaun aldeko bide sarrera zabalduko dute –Arlabango errepidean–, baina lan horiek Udalaren esku utzi ditu Errepide Sailak.