Maiatzean aurkeztu zuen Aldundiak Landagipuzkoa 32 egitasmoa, 1.000 biztanletik beherako herriei laguntzeko. Eta joan zen astean dirulaguntza eskaerak egiteko deialdia argitaratu zuen. Egitasmo barruan dauden Gipuzkoako 32 herrik –tartean Gatzaga– daukate aukera Aldundiak egindako deialdira aurkezteko. Urriaren 30ean bukatuko da eskaerak egiteko epea.
Landa Ingurunearen Garapenerako departamentuak 3.100.000 euro bideratu ditu egitasmora. Batez ere bi eratako proiektuak garatzeko izango da dirua: urak bideratzeko eta herrietako bideak konpontzeko edo berriak egiteko. Hala, Gatzagako Udalak hainbat proposamen ditu: baserrietara dauden sarrerak konpontzea, tartean Gatzagain ingurukoa, eta Gaztainuzketako mendi etxeetan urarekin duten arazoari irtenbidea topatzea. Gastuaren %80 finantzatuko du Aldundiak –150.000 eurora arte– eta 2009ko abendua bitartean bukatuta izan beharko dituzte lanak udalek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak