Bi hilabete behar izan dituzte Kutxako langileek lapurrek egindako kaltea konpontzeko, baina dagoeneko bukatu dituzte lanok. Orain kutxazaina erabat ondo dagoela frogatzera pasatu behar dute teknikariek eta behin oniritzia emandakoan diruz beteko dute eta martxan jarri. Kutxako arduradunek ez dakite aste honetan bertan izango den hori, baina 15 egunen buruan martxan egongo dela ziurtatu dute.
Gipuzkoako Kutxak San Migel plazan daukan kutxazaina orain dela hiru urte jarri zuten eta herriko bakarra da. Hori horrela, gatzagarrek ezin izan dute dirurik atera herrian azken bi hilabeteotan.