Jende asko eta giro bikaina jaietan

Andramaixak bukatu berri biharamunarekin harrapatu dugu kultura zinegotzi den Ainara Zubillaga. Eztarria urratuta baina pozik azaldu da, jende asko ibili da-eta jaietan: "Uste baino jende gehiago ibili da, egunez zein gauez. Ez da gainera, inolako arazo edo ezustekorik egon".

Egubakoitz gaueko kontzertuek jende gaztea ekarri zuten herrira. Zapatu arratsaldeko ekitaldiek, ostera, ume eta gaztetxoak. Zapatuan, gainera, otxandiarrak iritsi ziren ohiturari jarraituta; batzuk oinez, beste batzuk automobiletan, eta pilotalekua ia bete egin zuten bazkalorduan. Herri afariak ere izugarrizko arrakasta izan zuen, txartel guztiak saldu zituzten, 150. Eta mendiko bizikleta zeharkaldira 180 lagun etorri ziren; 150 helduak eta 30 umeak.