Jaietarako horma-irudia egiteko deia

Irailaren 7, 8 eta 9an ospatuko dituzte Andramaixak –herriko jai nagusiak– gatzagarrek, eta egitaraua gertatzen hasita dago Kultura Saila. Jai egitarauko irudia lehiaketa bidez aukeratzea erabaki du aurten Udalak, eta gatzagar guztiei egin die dei parte har dezaten, txiki zein heldu.

Andramaixak, Leintz Gatzaga, irailak 7, 8 eta 9 leloa agertu behar du irudiak, baina gainerako baldintzarik ez dago, eta edozein estilotan marraz daiteke.
Horma-irudiak Gatzagako udaletxean utzi behar dituzte egileek hilaren 19rako, eguena. Epaimahaia udalbatzako kideek osatuko dute, eta irabazleak saria jasoko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.