Hiru horma-irudi aurkeztu zituzten lehiaketara, eta 7 urte dituen Itzal Zubillaga Alberdi neskatoarena aukeratu dute epaimahaiko kideek. Buruhandi bat neska baten atzetik dabilela agertuko da egitarauko azalean: "Buruhandiak oso gustuko ditudalako egin dut", azaldu digu irabazleak. Saritxoa ere jasoko du Zubillagak.
Aurtengo Andramaixa jaiak aste bukaeran ospatuko dituzte, irailaren 7tik 9ra bitartean, hortaz, hiru egun bakarrik izango dira. Hala ere, ekitaldiz gainezka datoz hiru egunok Kultura zinegotzia den Ainara Zubillagak esan digunaren arabera: "Aste bukaeran izatean egun gutxiago dira, baina egun bakoitzean ekitaldi gehiago. Gainera, pentsatu gura dugu jende gehiago hurreratuko dela gurera". Irailean emango digute egitarau osoaren berri.