Bertako langileek adierazi digute udaletxe guztian zehar ibili direla lapurrak eta ate guztiak indarrez zabaldu dituztela. Segurtasun kaxa topatu dutenean, eraikinaren atzealdeko leiho batetik behera bota dute kaxa eta alde egin dute.
Kutxazaina
Udaletxeak kutxazain automatiko bat dauka aldameneko orma batean eta bere makineria eta segurtasun kaxa udaletxe barruan daude. Lapurrak gela horretara ere sartu dira baina ezin izan dute bertako segurtasun kaxa hautsi. Gela horrek gainera alarma bat dauka eta goizeko zazpiak aldera segurtasun gizon bat joan da udaletxera alarmak seiak inguruan jo duela esanez. Orduan konturatu dira udaletxeko langileak lapurretan egin dutela.
Paper garrantzitsuak
Udaletxeko idazkaria kanpoan dela eta bertako langileek oraindik ere ez dakite zenbat diru lapurtu duten baina esan dute diruaz gain paper oso garrantzitsuak zeudela segurtasun kaxa barruan.