Astelehenean, azaroak 26, bete zituen Repsol enpresak herriaren gainaldean dauden bi gas-tangak. Hori horrela, alta eman edo argibideak eskatzeko telefono zenbakia jarri du Repsolek herritarren eskura.
Urtebete itxaron behar izan dute gatzagarrek gasa iristeko, baina aurtengo neguan etxean izango dute batzuek, lehenengo fasean gasaren hodiak sartu zizkietenek hain zuzen. Orain etxe barrura sartu behar dute gasa, eta horretarako instalakuntza lanak egin beharko dituzte batzuek, eta alta eskatu guztiek. Repsol enpresak telefono zenbaki bat jarri du herritarren zerbitzura edozein argibide eskatzeko eta alta eskaerak egiteko. Hona zenbakia: 901 170 170.
Bestalde, bigarren faseko gasaren lanak egiteko deialdia egin du Udalak, eta abenduaren 12an bukatuko da eskaerak aurkezteko epea. Urtea bukatu aurretik erabaki gura du zeinek egin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak